ఈ పుట అచ్చుదిద్దబడ్డది
రేకు: 0388-6 తెలుఁగుఁగాంబోది సంపుటం: 11-528
పల్లవి: తను నేమి సేసితినే తా నేల తమకించేనే
యెనయఁగా నూరకున్న దిదే నా నేరమి
చ. 1: తగుల నాడినదదానఁ దల వంచు కుండ నైతి
నగితి నింతే పో నా నేరమీ
మొగుము చూచినదాన మోనము గైకొన నైతి
అగపడి లో నైన దదే నా నేరమీ
చ. 2: యింటికి వచ్చినదాన నే మైనాఁ గొసర నైతి
నంటున నే నుంటి నది నా నేరమీ
అంటినదాన నే నట్టె చెనక నైతి
వొంటి మొగమోటల నే నున్నదే నా నేరమీ
చ. 3: నెమ్మదిఁ గూడినదాన నిజబా సడుగ నైతి
నమ్మితి నే నిదయె కా నా నేరమీ
వుమ్మడి శ్రీవెంకటేశుఁ డొగి నిట్టె నన్నుఁ గూడె
సొమ్మల మై మఱచి నేఁ జొక్కినదే నేరమీ