ఈ పుట అచ్చుదిద్దబడ్డది
రేకు: 0388-5 భవుళి సంపుటం: 11-527
పల్లవి: ఏమి సేసినా నీ చిత్త మింతే కాక
కాముకుఁ డైన నిన్నుఁ గా దనేటివారమా
చ. 1: నేరిచినవారుగా నీతో మాటాడేది వే
మారును నెదు రాడఁగ మా కేటికి
కారణము గలిగి కా కమ్మర నీతో నవ్వేది
యీరీతి నీతోఁ గెలయ నెంత పని మాకును
చ. 2: అంత కోపినప్పుడుగా నట్టె నిన్ను దగ్గరేది
మంతనాలు విన్నవించ మా కేఁటికి
పంతము నే నాడితేఁగా బలవు నీతోఁ జూపేది
యెంత కెంత నీసుద్దులు యేమి పని మాకునూ
చ. 3: నేనే నీ వయితేఁగా నిజ మని నమ్మేది
మానక వావులు చెప్ప మా కేఁటికి
పూనుక శ్రీవెంకటేశ బుజ్జగించి కూడితివి
యే నెపాలకు నింక నేమి పని మాకును
