ఈ పుట అచ్చుదిద్దబడ్డది
రేకు: 0388-4 సామంతం సంపుటం: 11-526
పల్లవి: ఎంత నీవు పతి వైనా యింతులకు లోనే సుమ్మీ
వంత జవ్వనమదపువారు సుమ్మీ వీరు
చ. 1: సొలసి యాడెటిమాట సుమాళముమీఁది పాట
పెలుచుఁగామినులకుఁ బెట్టని కోటా
బలిమి చూపఁగ రాదు పంతపు మగవారికి
వలరాచసలిగెలవారు సుమ్మీ వీరు
చ. 2: కనుచూపుల కొసరు గబ్బితనపుటుసురు
దినవలపులకు నెత్తినయసరు
మొనలు మీరఁగ రాదు ముంచి యెంతకొర తైన
వనవసంతునిపౌజువారు సుమ్మీ వీరు
చ. 3: వుదుటుమీఁది సణఁగు వొద్దికతోడి గొణఁగు
మదరాగ మీసతికి మంచి మణుఁగు
ఆదన శ్రీవెంకటేశ అట్టె కూడితి వీపెను
వదనశశినిఁ బోలేవారు సుమ్మీ వీరు
