ఈ పుట అచ్చుదిద్దబడ్డది
రేకు: 0388-2 రాయగౌళ సంపుటం: 11-524
పల్లవి: ఎప్పటివలెనే చన వియ్య రాదా
తప్పు లేనిసతి నింక దయఁ జూడ రాదా
చ. 1: నాలితో నాపె నిన్ను నవ్వుతా నన్న మాఁటకు
యేల కోపగించుకొనే వింతలోనే
మీలోనే యిటు లైతే మెత్తురా లోకమువారు
తాలిమితో నింతి నింక దయఁ జూడ రాదా
చ. 2: చనవు చేసుక యాపె జంకించనయందుకు
యెన లేక చిన్నఁ బొయ్యే వేఁటికి నీవు
కొనగొన మీకు మీకు కోపము లింత చెల్లువా
తనిసి నీ దేవులను దయఁ జూడ రాదా
చ. 3: చుట్టరికమున నాపె సూడు వట్టినందుకు
యెట్టు పెనఁగఁ బోయి నితవు లవునా
యిట్టె శ్రీవెంకటేశ యింతలోఁ గూడితి వీపెఁ
దట్టు ముట్ట సేయ కిట్టె దయఁ జూడ రాదా
