ఈ పుట అచ్చుదిద్దబడ్డది
రేకు: 0388-1 ముఖారి సంపుటం: 11-523
పల్లవి: ఏ లోయి మాతోడి యెగసక్యాలు
జాలిఁ బడి వున్నవారి సట సేసేవా
చ. 1: సెలవుల నవ్వు నవ్వి చేతి పువ్వుబంతి వేసి
యెలమి మాకోపము నేఁ డేల రేఁచేవు
వులి వచ్చి విరహన నుడుకుతా నుండేవారి
వలపుల యెండలనే వడ చల్లేవా
చ. 2: దగ్గరనే నిలుచుండి తతిగొని చన్ను లంటి
యెగ్గులతిట్ల మాచే నేల పడేవు
నొగ్గిన సిగ్గులతోడ నుట్టి లేక వూఁగేవారి
అగ్గలపుటాసలవుయ్యల లూఁచేవా
చ. 3: చేరి పచ్చడము గప్పి చెక్కు నొక్కి కాఁగిలించి
యీరీతి మన్నించి మమ్ము నేల మెచ్చేవు
కూరిమి శ్రీవెంకటేశ కూడిన మావంటివారి
నేరా తరితీపుల నెలయించేవా
