ఈ పుట అచ్చుదిద్దబడ్డది
రేకు: 0387-6 నాదరామక్రియ సంపుటం: 11-522
పల్లవి: చెల్లు లేవే యాతఁడు నీచేతఁ జిక్కెనే
పల్లదమే తల్లి నీకుఁ బాలతోనే పోసెనే
చ. 1: తెగువలు వచరించ తేనెలమాట లాడ
పగటుల నడవ నీపాలఁ బోయనే
మొగమిచ్చలు నెరవ ముసిముసినవ్వు నవ్వ
తగవులఁ బెట్ట నీకు తతి వచ్చెనే
చ. 2: సారెకు మొక్కులు మొక్క చలములు సాదించ
ఆరీతి నాన వట్టె నీ కలవా ట్లాయనే
నేర మొకరిపై వేయే నీచేయి మీఁదు సేయ
నేరుపు నాలితానలు నీ వియ్య వలెనే
చ. 3: అరగపటము చూప నంతలోఁ దిరుగ వేయ
సరిఁ జిన్ననాఁడె యిన్ని సాధించితివే
గరిమ శ్రీవెంకటేశుఁ గలసి న న్నే లించితి
సరి వచ్చితే మెచ్చ జాణ వైతివే