ఈ పుట అచ్చుదిద్దబడ్డది
రేకు: 0387-5 శ్రీరాగం సంపుటం: 11-521
పల్లవి: నీవు సేసేపనులకు నేర మేది
తావుల నాతోఁ బెనఁగఁ దగ వేది
చ. 1: వెలఁదులతోడనె వేగువంతాఁ బట్టె నీకు
వెలయ మాయింటికి రా వేళ యేది
కులికి మాకాతరానఁ గొసరేము గాక నిన్ను
పలుమారుఁ బలికించ బలు వేది
చ. 2: యెక్కడనోఁ దిరుగాడ నిందాఁక బట్టె నీకు
దిక్కి మాతో రతి సేయ దల పేది
మక్కువ సేసితి గాన మాన లేము గాక నిన్ను
తక్కులఁ బెట్టగ మాకుఁ దగ వేది
చ. 3: ఆదరించి నీమీఁద నాన వెట్టఁ బట్టె నీకు
సోదించి ని న్నవుఁగా దనఁ జో టేది
ఆదెస శ్రీవెంకటేశ అలమేలుమంగ నేను
ఆదిరించి కూడితివి అడ్డ మాడ నేది