ఈ పుట అచ్చుదిద్దబడ్డది
రేకు: 0387-3 భైరవి సంపుటం: 11-519
పల్లవి: ఏమి నేతు నిందుకు ని న్నెటువలె వేఁడుకొందు
చే మంచి నీమోము చూడ సిగ్గయ్యీ నాకు
చ. 1: వేడక నాపె యింటికి విచ్చేయఁ గాఁ జూచి
వోడక నే లేవ నైతి నుడుకనను
యీడ నాతోఁ జెప్పే విను యెంత దోసకారినో
యీడ జో డై సవతిపో రింత సేసే నయ్యా
చ. 2: యిచ్చగించి ఆపెతేనె యిట్టె నవ్వఁగాఁ జూచి
మచ్చరాన నీతోడ మా టాడ నైతి
కచ్చుపెట్టి నే నెంత కట్టడి మతిదాననో
యెచ్చి నాజవ్వనమద మింత సేస నన్నును
చ. 3: గక్కన నాపైకు నీవు కనున్న నేయఁ జూచి
యెక్కువ నీ వున్నమంచ మెక్క నైతిని
అక్కర శ్రీవెంకటేశ అలమేలుమంగ నేను
యిక్కువ నీతోడికూట మింత నేనె నన్నునూ