ఈ పుట అచ్చుదిద్దబడ్డది
రేకు: 0387-2 ఛాయనాట సంపుటం: 11-518
పల్లవి: వట్టి సటలకు తల వంచ నేలే
మట్టు మీరేపని యైతే మానుప కుండేనా
చ. 1: కాతరాన నీవిభుఁడు కదిసి యేపొద్దు నీ
చేతికి లో నై యుండఁగ చింత లేలే
ఆతల నొక్కతెయింట నాతఁ డుండఁగాఁ జూచితే
యేతుల నీ వే మన్న నియ్యకొందుఁ గాకా
చ. 2: చంచలము దీరి నిన్ను సమ్మతించఁ జెప్పి నీతో
ముంచి నవ్వులు నవ్వఁగ ముసుఁ గేలే
పంచల నాతఁడు వేరే పరా కై వుంటేఁ గనక
వంచన నీకుఁ గా పత్రివాదుల మై యుండేమా
చ. 3: అక్కజపు యేకతాన నంగము లంటుచు నీ
చెక్కులు నొక్కఁగా నీకు సిగ్గు లేలే
అక్కర శ్రీవెంటకేశుఁ డలమేలుమంగవు నీ
విక్కువతోఁ గూడితివి యిట్టె సంతోసించవే
