ఈ పుట అచ్చుదిద్దబడ్డది
రేకు: 0387-1 నాగవరాళి సంపుటం: 11-517
పల్లవి: ఇన్నియు గన్నట్టిమీఁద నిఁక నేలా
యెన్నికలు నీకు నాకు నిఁక నేలా
చ. 1: పొదిగి నీ వనఁ గాను పూఁచి నిన్ను నే నాడఁగా
యెదురుబడి మాటలు యిఁక నేలా
కదిసి యీవలఁ జూచి కన్నవారె నవ్వఁ గాను
యిదివో మనలో వాదు లిఁక నేలా
చ. 2: సారె సారె నీవు నేను సరసము లాడఁ గాను
యీరు దియ్యఁ బేను వచ్చు నిఁక నేలా
మోరతోపుఁదనములు మొగములో నుండఁ గాను
యీరీతి సాకి రడుగ నిఁక నేలా
చ. 3: పంతముల నిందాఁకఁ బరాకులె పచరించి
యింతలోనె యిచ్చము లిఁక నేలా
అంతటి శ్రీవెంకటేశ అలమేలుమంగ నేను
యింతటఁ గూడితి రేసు లిఁక నేలా
