ఈ పుట అచ్చుదిద్దబడ్డది
రేకు: 0386-5 దన్నాసి సంపుటం: 11-515
పల్లవి: ఎఱఁగ మిన్నాళ్లు నీ విటువంటివాఁడ వవుట
ఉఱక లేనిగుణము లొక్కటే వే యాయను
చ. 1: మంచివానివలెనె మాటలు వెలుచుకొని
పొంచి నవ్వుతాఁ జెప్పేవు పొలఁతికిని
యెంచఁగా నాపె నీకు హితవరురాలు గాని
పంచల వేయఁగ నీకుఁ బగవారమా
చ. 2: నామంచముమీఁద నుండి నయముల సట చేసి
కామించి యాపెమీఁదఁ గాలు వేసేవు
ప్రేమ నాపె నీకు సేస పెండ్లికూఁతు రాయఁగాని
నేము వెట్టికి వచ్చిననెలఁతల మైతిమా
చ. 3: వురముపై నే నిట్టె వుండఁగా శ్రీవెంకటేశ
కరఁగించి యాసతికిఁ గత చెప్పేవు
యెరవుగా నాపెఁ గూడి యింపుగా నన్నుఁ గూడితి
నిర తలమేల్మంగను నేనే మేలుదానాన