ఈ పుట అచ్చుదిద్దబడ్డది
రేకు: 0386-4 కాంబోది సంపుటం: 11-514
పల్లవి: బలిమి సేయఁగ నీతోఁ బంతమా నాకు
పలచఁగా నిన్ను నాడఁ బంతమా నాకు
చ. 1: యిట్టె నీసతులు యే ముందురో అని కాక
పట్టకు మని కోపించఁ బంతమా నాకు
చుట్టుకొన్న నీతగవు చూడవల సింతే కాక
బట్టబయ లీదించఁ బంతమా నాకు
చ. 2: మోసాన నెవ్వతె కైనా మొక మోడే వని కాక
పాసి వేరే మంచ మెక్కఁ బంతమా నాకు
వాసుల నీ మతిలోని వల పెరఁగక కాక
బాసలు నిన్నుఁ జేయించఁ బంతమా నాకు
చ. 3: ఆడిరి మరి నొకతె నాసపడీ నని కాక
బడలించి రతి సేయఁ బంతమా నాకు
వడి శ్రీవెంకటేశుఁడ వా నలమేలుమంగను
బడి వాయ నియ్యకుండఁ బంతమా నాకూ
