ఈ పుట అచ్చుదిద్దబడ్డది
రేకు: 0386-3 ఆహిరి సంపుటం: 11-513
పల్లవి: ఇందాఁక రా కుండితే నిది పావగా వలెనా
చందాలు చెప్ప వచ్చేవు సాదించ వచ్చేమా
చ. 1: ముందరికి రా రాదా మో మైనఁ జూచేను
చెంది యింతలో నేల సిగ్గు వడేవు
అందు కేమి మాచుట్టమ వవుత గల్లా యెంతయిన
కందువఁ బెనఁగ నిదె కడ మయ్యీనా
చ. 2: పీఁటపైఁ గూచుండ రాదా పిసికేము పాదాలు
యేఁటి కని వొద్దనేరా యెవ్వ రైనాను
యీటు లేనిమగవాఁడ వేమి సేసినా నేమి
కొటిసతులఁ బొందిన కోపగించేనా
చ. 3: పచ్చడము గప్ప రాదా పక్కనఁ గరఁగించేను
చెచ్చెర నేల నవ్వేవు సెలవులను
అచ్చపు శ్రీవెంకటేశ అలమేలుమంగ నేను
నిచ్చఁ గూడి యున్నారమ నీవే నేఁ గానా