ఈ పుట అచ్చుదిద్దబడ్డది
రేకు: 0386-1 దేవగాంధారి సంపుటం: 11-511
పల్లవి: మట్టు మీరినచేతల మగవాడవు
వట్టి సత్తేలు నెరప వలెనా నీవు
చ. 1: అంగన నీవును మాట లాడుతా నుండగ జూచి
అంగవించి పొందు గద్దొ యని వుంటిమి
నింగి మోవ నాన లెల్ల నీ వేల పెట్టుకొనేవు
చెంగట దోసమా నీకు జెల్లదా యేమి
చ. 2: పొలతి నీ వొకవీధిఁ బొలసి నడవఁ గాను
అలరిన నీసమ్మంధ మని వుంటిమి
తెలపు మనుచు నేల తీసేవు నాకోంగు వట్టి
తలఁచ నాపెకు నీకుఁ దగదా యేమి
చ. 3: యింతియును నీవును నేకతాన నుండఁ జూచి
అంతలో నీవు గూడితి వని యుంటిమి
వంతకు శ్రీవెంకటేశ వడి నలమేలుమంగ
నింతటఁ గూడితివి నీ వెరఁగవా యేమి