ఈ పుట అచ్చుదిద్దబడ్డది
రేకు: 0385-6 బలహంస సంపుటం: 11-510
పల్లవి: మిక్కిలి జాణవు నీవు మే మేమి బాఁతి
పక్కన నీ వన్నిటాను బదికితేఁ జాలదా
చ. 1: కూరిములు చల్లుతానె కొసరేగుణము మాది
నేరపు మా కున్నదా నేరమే కాకా
మేరతోడి మ మ్మేల మేకులు సేసేవు రతి
ధీరుఁడవు నీవు మాతెరువు రా వలెనా
చ. 2: నించేసరసములోనె నిండువిరసము మాది
మంచితన మున్నదా మాటలే కాకా
యెంచ నేల మమ్ము నీవు యిల జాణలలో నెల్ల
అంచె నూడి పడ్డవాఁడ వంత మాతో వలెనా
చ. 3: చనవునఁ గూడుతానె జంకించేగుణము మాది
తనివి మా కున్నదా తమియే కాకా
అనుఁగు శ్రీవెంకటేశ అలమేలుమంగ నేను
పెనఁగి కూడితి వింక బెట్టి నవ్వ వలెనా