ఈ పుట అచ్చుదిద్దబడ్డది
రేకు: 0385-5 పాడి సంపుటం: 11-509
పల్లవి: ఇందుకు బాస యిచ్చెద యిటు నీయింటికి రాను
చెంది నీసతులు యింత చేసిరి నీగుణము
చ. 1: నవ్వుతా దగ్గరి వచ్చినాను సరకు గొనవు
యెవ్వరితో మాట లాడే విపుడు నీవు
మువ్వంక నీరాజాసము మున్నిటివంటిదా నేఁడు
రివ్వలుగా సతు లెల్ల రేఁచిరి నీగుణము
చ. 2: బడి బడి మొక్కినాను పరా కై వున్నాఁడవు
కడు దొర వైతి నీకుఁ గాన వచ్చీనా
కడఁగి మావంటివారిఁ గైకొనేవా గొల్లెతలు
బెడసుగొల్ల మంకుతోఁ బెంచిరి నీగుణము
చ. 3: యిట్టె చేయి వట్టినాను యించు కంతాఁ దెమలవు
నెట్టుకొన నీబిగువు నేఁడు గొత్తలా
నెట్టన శ్రీవెంకటేశ నే నల మేలుమంగను
జట్టిగొని కూడితివి సాజమే నీగుణము