ఈ పుట అచ్చుదిద్దబడ్డది
రేకు: 0385-4 మధ్యమావతి సంపుటం: 11-508
పల్లవి: దాని కేమి మీఁదటను దైవమే మేలు సేసీని
తానే యింత చేసు నట తగటు వోయినా
చ. 1: యింత మోహించిననేనె యింటికి రాఁ జెల్లుఁ గాక
పంతగాఁడు తన కేలే పైకొనను
కాంతుఁడు మ మ్మింత నేసి కట్టుకోనీ యామేలు
యింతలోనే సతులకు హీన మయ్యీనా
చ. 2: మనసు లెంతైన నేనె మాటాడించ వలెఁ గాక
తనిసితన కేలే తత్తరించను
ఘనరాజసముతోఁ దా గడకూ బదుక నీవే
వనితల కిందువంక వాసి దప్పీనా
చ. 3: కాఁకఁల బొందిన నేఁ గాఁగిలింతుఁ గాక మా
వీఁకకు రాఁ దన కేలే వేడుకకాఁడు
ఆఁకల శ్రీవెంకటేశుఁ డలమేలుమంగ నేను
యేఁకటఁ గూడితి మిఁక నెఱ మయ్యీనా