ఈ పుట అచ్చుదిద్దబడ్డది
రేకు: 0385-3 నాదరామక్రియ సంపుటం: 11-507
పల్లవి: ఏల వేగిరింపించేరే యేమిరే వో చెలులాల
చాలుకొన్న నాయకుని చరితలు చూడకా
చ. 1: నగినయంతటిలొనె నాకు దగ్గర వచ్చునా
తెగ నాడి మన సెల్లఁ దెలియకా
మొగుము చూచె నంటాను ముచ్చ టాడ వచ్చునా
మగవాఁడని లోనిమర్మములు గానకా
చ. 2: వద్ద నున్నాఁ డంటాను వావి చెప్ప వచ్చునా
కొద్ది నాతఁ డుండేటిగు ట్టెరంగకా
పెద్ద చేసె నంటానె పెనగొన వచ్చునా
వుద్దండీఁ డీతని మేనివొరపు లరయకా
చ. 3: యింటికి వచ్చె నంటాను యియ్యకొన వచ్చునా
అంటిము ట్టాతనిసుద్దు లడుగకా
దంట శ్రీవెంకటేశుఁడు తా నలమేలుమంగను
జం టాయ మీర వచ్చునా చవులు సోదించకా
