ఈ పుట అచ్చుదిద్దబడ్డది
రేకు: 0385-2 హిందోళవసంతం సంపుటం: 11-506
పల్లవి: వట్టిమాట లిఁక నేల వాసి గలకాంతలకు
గుట్టుతోడ నుండేదె గుణ మింతే కాక
చ. 1: పూసుక వాసుక వచ్చి పొందులు నీతోఁ జెప్పి
వేసరించేకాఁగిటిలో వేడు కున్నదా
మూసినతముత్యమువలె మూల నుండఁగా నీవే
చేసినపాటి ప్రియము చేకొనేది గాక
చ. 2: చేరి నవ్వి విన్నపాలు చెలుటచేఁ జేయించి
సారెఁ జల్లేకూరిమిలో చవు లున్నవా
వూరక మానావతి నై వోజ దప్ప కుండఁగా నీ
వేరీతి చేసిన నది యియ్యకొంట గాక
చ. 3: యిచ్చకాలు సేసుకొంటా యెరవువలపు చల్లి
తచ్చి యెంత పిలిచినా తమి వుట్టీనా
అచ్చపు శ్రీవెంకటేశ అలమేలుమంగ నేను
యిచ్చట నీవే కూడితి విది మేలు గాకా