ఈ పుట అచ్చుదిద్దబడ్డది
రేకు: 0384-6 రామక్రియ సంపుటం: 11-504
పల్లవి: ఒద్దన్నా మానవు నన్ను నొడఁబరచేవు నీ
వద్ద యెమ్మెలు మెఱయ వారు వీరు చాలరా
చ. 1: కొండవంటి దొర వని కుంచ నీవు వేయఁ గా న
న్నండఁ గూచుండు మనుచు నాన వెట్టేవూ
దండితోడ నూడిగపుదాన నయ్యే నంటే నేల
చండి పోరి నీదేవులసానిఁ జేసే వయ్యా
చ. 2: అందచందమునను నీ కాకు మడి చియ్యఁ గాను
అందల మెక్కు మనుచు నాన వెట్టేవూ
గొందినె నీపాదాలు గొలిచి వచ్చే నంటే
యిందరిలో దొర గాన న్నెంత సేసే వయ్యా
చ. 3: కట్టడతో నీమేనఁ గస్తూరి నేఁ బూయఁ గాను
అట్టె కాగిలించు మంటా నాన వెట్టేవూ
గుట్టుతో శ్రీవెంకటేశ కూడితి వింతలో నన్ను
మట్టుతో నుండఁగా నెంత మన్నించే వయ్యా