ఈ పుట అచ్చుదిద్దబడ్డది
రేకు: 0384-5 ముఖారి సంపుటం: 11-503
పల్లవి: పో పోయి దేడ సుద్ది పొద్దు పొద్దు చెలులకు
యేపున నిన్ను రమ్మన నేడదాన నేను
చ. 1: కాతరాన నలుకలు గడించేవు గాక నీవు
నీతో నలుక రేఁచ నే మెవ్వరము
జాతులకు నీ వాడెటిచారువాకా లింతే కాక
ఆతల నిన్నుఁ గొసర నంత పొందులా
చ. 2: చిన్నఁ బో యుందాన నంటా చెక్కు నొక్కే వింతే కాక
వున్నతి నీముందరను వొచ్చెము గాదా
యిన్నేసి నీ వినయాలు యెగసక్కే లింతే కాక
నన్ను నీవు వేఁడుకోను నంటుదాననా
చ. 3: అక్కడ పూర కుందువా ఆనలు వెట్టేవు గాక
యిక్కడ వా దడువ మా కెవ్వ రున్నారు
గక్కన శ్రీవెంకటేశ కలసితి విటు నన్ను
యెక్కువ తక్కువ లిఁక నేల మాకూ
