ఈ పుట అచ్చుదిద్దబడ్డది
రేకు: 0384-4 కొండమలహరి సంపుటం: 11-502
పల్లవి: చేగ మీరినపనులే సేసే వెల్ల
బాగు మీరఁ దన కది పై వచ్చే దెరఁగఁడూ
చ. 1: సిగ్గు వడి తనుఁ జూచి సిరసు వంచుకొంటేను
దగ్గరి రమ్మంటి నంటా దండ చేరీని
వెగ్గళించ నైతిఁ గాక విదలించి వేసి నేను
బగ్గనఁ దిట్టితే తనభావము చూచీనా
చ. 2: యెదుట నిలవుక నేనింటిలోని కేఁగితేను
అదె సన్న సేసుక నన్నంట వచ్చీని
పదర లే నైతిఁ గాక పక్కనఁ బువ్వులబంతి
నెదరొమ్ము వేసితేను యే మనీనె యపుడూ
చ. 3: నెల వై పానుపుమీఁద ముసుఁగు వెట్టుకుంటే
కలయు మనే నంటాఁ గాఁగిలించీని
యెలమి శ్రీవెంకటేశుఁడింత నేరుపునఁ గూడె
బలి మైతే నాతోడఁ బంత మాడఁ గలండా