ఈ పుట అచ్చుదిద్దబడ్డది
రేకు: 0384-2 సామంతం సంపుటం: 11-500
పల్లవి: మన మింత దడ వాయ మంకు వాప లే మైతిమి
ఘనుఁడు గాన యాతఁడు కాంతకాఁక వాపెను
చ. 1: చెలియమోము చూచి చెక్కులు చేత నొక్కి
కలవురేకులకొప్పు కడు దువ్వి
సెలవుల నవ్వించి చేరి మోవితేనె లాని
అలుక దేరిచెఁ బతి అదివో యిప్పుడు
చ. 2: మాటలనె బుజ్జగించి మనసునొప్పులు మాన్పి
కాటుకన్నులయింతి కందువ లంటి
తేటలఁ గతలు చెప్పి దిష్టపుమన్నన లిచ్చి
యీటునఁ గోపము దీర్చె నిదివో విభుఁడు
చ. 3: వనితఁ గాఁగిట నించి వాడినదప్పి దేరిచి
ననుపులు నటియించి నయ మిచ్చి
తనువు నిమిరి యీపె తత్తరాలు మందిలించె
యెనసి శ్రీవెంకటేశుఁ డిదివో యిపుడు