ఈ పుట అచ్చుదిద్దబడ్డది
రేకు: 0383-6 పాడి సంపుటం: 11-498
పల్లవి: నేనే పిలువ ననే నేర మేమి గలిగినా
దీన నైనతప్పు మీఁద దిద్దుకొనేఁ గాని
చ. 1: వలపు బలిమి సేసి వంతకుఁ బెనఁగఁ బోతే
చలువలే వేఁ డౌను సతులాల
వెల నున్నరమణుని వేడుక నేఁ బిలిచితే
చులుకఁదనము రాదా చూడఁ గానె యిపుడూ
చ. 2: మనసు రానిచోట మాటలఁ గొసరఁ బోతే
చన వెల్లాఁ జవి దప్పు జాణలాల
ననుపు లేనిపతితో నవ్వులు నవ్వఁగఁ బేతే
పని మాలినది గాదా పై పైనె యిపుడూ
చ. 3: దరదరిఁ గాక నే దగ్గరి కూడఁగఁ బోతే
సరసమే విరస మౌ సకియలాల
యిర వై శ్రీవెంకటేశుఁ డిట్టె విచ్చేసి కూడె
దొరతన మిది గాదా తుద కెక్కె నిపుడూ