ఈ పుట అచ్చుదిద్దబడ్డది
రేకు: 0383-3 దేసాళం సంపుటం: 11-495
పల్లవి: ఏల నాపై నాన వెట్టే వేఁటికి నీకు వెరపు
నీలాగు రమణుఁడనే నెఱఁగనా
చ. 1: తేరకొన నీగుణాలు దెలిసినప్పుడు గాక
వీరి వారి మాటలకె వేగిరించేనా
మేరతో నీవు నాయెడ మెచ్చుగా నడవఁ గానె
కూరిమి గొసరి నిన్నుఁ గోపగించేనా
చ. 2: యెల్లవారు నీచేఁతలు యెఱుఁగుదు మన్నదాఁకా
అల్లంత నిన్నుఁ గంటానె అలిగేనా
కల్ల నిజ మెఱఁగక కాదు గూడ దని నీపై
వెల్లవిరిగా నిందలు వేయఁ బొయ్యేనా
చ. 3: మంతానాన నీ మేన మచ్చము గానకతొల్లె
పంత మాడి నే నీతో పగ చాటేనా
యింతలోఁ గాఁగిలించితి విందుకె శ్రీవెంకటేశ
యెం తయిన నిన్ను నే నెడసి వుండేనా
