ఈ పుట అచ్చుదిద్దబడ్డది
రేకు: 0383-1 నారణి సంపుటం: 11-493
పల్లవి: తనిసినవాఁడు గాన తమి చాలదు దనకు
పని లేదు తను నింక బడలించ నాకు
చ. 1: సరసమే ఘన మాయ సరి యేఁకలవల పాయ
సరివొద్దు వోయ నింకాఁ జాల దటరే
అరలోనఁ బవ్వళించు మనరే విభుని నేను
పొరిఁ దూఁగుమంచానఁ బొరలేఁ గాని
చ. 2: పందెములే తఱ చాయ బయలీఁత సుద్దు లాయ
చందమామగుటుకలు చాల దటరే
కందువ నిద్ర రా కుంటె కతలు విను మనరే
ముందర నేనే లోన మొక్కు చుండేఁ గాని
చ. 3: చల్లుఁజూపు లెక్కు డాయ జడివానరతు లాయ
జల్లింపు వినయములు చాల దటరే
యిల్లిదె శ్రీవెంకటేశుఁ డింత సేసి నన్నుఁ గూఁడె
యెల్లకాలమునుఁ దన్ను నెడ వాయఁ గాని