ఈ పుట అచ్చుదిద్దబడ్డది
రేకు: 0382-6 సాళంగనాట సంపుటం: 11-492
పల్లవి: అగుగరే చెలులాల ఆతఁడు వాడే
యెడసితే జంకింతుము యింత కోపీనా
చ. 1: చేతికి లో నౌదాఁకా జెప్పెటి ప్రియము లింతే
ఆతలి మందెమేళాలె అదు కోపీనా
కాతరపుదాన నేను ఘనుఁ డిన్నిటాఁ దాను
యేతులు నెమ్మెలు మాని యింత కోపీనా
చ. 2: చనవు గలుగుదాఁకా సరవి నడచు నింతే
వెనకపనులు మీరు వెట్ట కోపీనా
మొకతోడిదాన నేను మొక్కలపుదొర దాను
యెనసి మాతోడి జడ్డు కింత కోపీనా
చ. 3: కలసిన యందాఁక కన్నుల మొక్కుట యింతే
బలుము లంతటి మీఁదిపని కోపీనా
చెలి నింతే నన్నుఁ గూడె శ్రీవెంకటేశుఁడు దాను
యెలయింపులరతుల కింత కోపీనా
