ఈ పుట అచ్చుదిద్దబడ్డది
రేకు: 0382-4 శ్రీరాగం సంపుటం: 11-490
పల్లవి: చెప్పకున్న దోసమూ సేనినచేఁతలు నీతో
చొప్పెత్తి పయ్యద గంటే సోదించక మానఁడు
చ. 1: రాఁడని నీతోఁ జెప్ప రాఁగా నీరమణుఁడు
పోఁడిమి గాఁగిటఁ బెట్టెఁ బోకు మంటాను
నాఁడె నీతోఁ జెప్పవా నన్ను నంపకు మనుచు
ఆఁడ దైతేఁ జాలు నాతఁ డంటుకోక మానఁడు
చ. 2: నీపై నాన వెట్టఁ గానె నీవావి మీఁద వేసి
చేపట్టి గిజిగిజిగాఁ జేసె నాతఁడు
వోప నన్నాఁ బో నీక వూడిగాన కంపితిని
యీపాటి సందు గలితే యెనయక మానఁడు
చ. 3: నే నట్టె పెనఁగఁ గాను నీమతకమే యంటా
తానే కూడె శ్రీవెంకటోత్తముఁడు నన్ను
మోనాన నూరకుండితి ముందు నిన్నుఁగూడుదాఁకా
నానాటి కీపాటి నవ్వు నడపక మానఁడు
