ఈ పుట అచ్చుదిద్దబడ్డది
రేకు: 0382-3 భైరవి సంపుటం: 11-489
పల్లవి: ఇంక నేల కొంకఁ దమయిచ్చ లనరే
అంకె నే నుంటేఁ దమ కే మాయ నడగరే
చ. 1: యేకత మాడెటి వేళ నేల నే వచ్చితినో
దాకొని నన్నుఁ గంటానే తల వంచిరి
యీకడఁ దమ కిద్దరి కెంత వెగ టైతినో
రా కున్న నెట్టాయ నింత రచ్చల కెక్కితిని
చ. 2: మగఁడు నాలు నుండఁగ మంచ మే లెక్కితినో
చిగురుమోవులఁ దాము సిగ్గు వడిరి
సొగిసి యిద్దరి కెంత సుఖవిరుద్ద మైతినో
మొగ మియ్య ననే రంటా ముందు నుందానను
చ. 3: యెనసినరతివేల నేల కాఁగిలించితివో
తనిసి తమమేనులు తా మెఱుఁగరు
అను వై శ్రీవెంకటేశుఁ డప్పటిని నన్నుఁ గూడె
ఘనగర్వ మనే రంటాం గాని మ్మని యంటిని
