ఈ పుట అచ్చుదిద్దబడ్డది
రేకు: 0382-1 ఛాయనాట సంపుటం: 11-487
పల్లవి: వేసాల నేఁడు నాకుఁగా వెరవ నేల
వాసి యాపె కెక్కించఁగా వద్దనేనా యిపుడు
చ. 1: చాయలు చూచి చూచి సణఁగులు చల్లి చల్లి
ఆయెడనే నిలుచున్న దప్పటనుండి
చేయి మీఁది వేసి యాపె జెంగటఁ గూచుండు మంటే
యీయెడఁ దా వచ్చినా నే లనేనా నేను
చ. 2: వెంగెములే యాడి యాడి వెరగులే నించి నించి
కంగి నిలుచున్న దదే కంబముదండ
సంగడి నీవు నిలిచి చన విచ్చి వేఁడుకొంటే
సింగారము నేఁడు గాదా సిగ్గయ్యినా నీకు
చ. 3: పొందు లట్టె చేసి చేసి బొమ్మలట్టే వంచి వంచి
కందువ శ్రీవెంకటేశ కరఁగీ నదే
యిందు నందుఁ దిరిగాడి యిద్దరిఁ గూడితి విట్టే
ముందరనే యిట్టైతే మొరఁగి నవ్వేనా
