ఈ పుట అచ్చుదిద్దబడ్డది
రేకు: 0381-6 సామంతం సంపుటం: 11-486
పల్లవి: అంతటఁ గాని తీరదు ఆపెనే చేరి
చెంత లోనికి రమ్మని చే వట్టి తియ్యవయ్యా
చ. 1: యిచ్చగించి నీవు నాపె యేకతము లాడఁ గాను
వచ్చి వచ్చి నిలిచెను వాకటిఁ జెలి
తుచ్చము లాడక తొల్లె తొయ్యలిచే మొక్కించి
మచ్చికగాఁ గిందుపడి మాట లాడవయ్యా
చ. 2: చేచేతమీ రిద్దరును సెలవుల నవ్వఁ గాను
చూచి చూచి తలవంచి సోలగిలీని
యేచి కోపించకతొల్లె యింతిచే సేవ సేయించి
తాచి నీకాఁగిట నీవు తమి రేఁచవయ్యా
చ. 3: మంచముపై నీవు నాపె మలయఁగా ముట్టి ముట్టి
అంచునఁ దా బవ్వళించి అంగవించును
అంచెల శ్రీవెంకటేశ అంతలోఁ గూడితి వాపె
కంచముపొత్తు గలపి కరగించవయ్యా