ఈ పుట అచ్చుదిద్దబడ్డది
రేకు: 0381-5 కొండమలహరి సంపుటం: 11-485
పల్లవి: నీ కేమి దూరుదాన నే నైఁతి గాక
వాకున నప్పుడే నీతో వద్దననా
చ. 1: నా మోము చూచి నీవే నవ్వఁగా నవ్వితిఁ గాక
ఆమాట లెల్లా నాపెతో నాడుదురా
ప్రేమాన నా పంపఁగా నే పిలువ వచ్చితి నింతే
చే ముట్టిన యాసుద్ది చెప్పుదురా
చ. 2: రమ్మని చేయి వట్టఁగ రతి నూర కుంటిఁగాక
యెమ్మె కెల్లా నాపెతోడ నెంచుకొందురా
వుమ్మడి నాపెకు నీకు నూడిగపుదాన నింతే
అమ్మరో నావుంగరము ఆపె కిత్తురా
చ. 3: పాదాలు గుద్దు మనఁగా పైకొన గుద్దితిఁ గాక
పోదిగా నాసుద్ది యీడఁ బొగడుదురా
యీదెస నాపెఁ గూడితి విట్టె శ్రీవెంకటేశ
సోదించి నా మో వాపెకుఁ జూప వచ్చునా