ఈ పుట అచ్చుదిద్దబడ్డది
రేకు: 0381-4 సామంతం సంపుటం: 11-484
పల్లవి: ఎప్పుడు నీయిచ్చలోని యింతిఁ గాక
తప్పులు నీమీఁద వేసేతరుణినా నేను
చ. 1: వంతులకు వాసులకు వలపులు చల్లి చల్లి
అంత నిన్ను దూరేటియాఁటదాననా
కొంత నిన్నుఁ గోపగించి గొణఁగి గొణఁగి తిట్టి
పంతము వెనక నిచ్చే పడఁతినా నేను
చ. 2: పొద్దు వొద్దు నీవద్ది పొలఁతులవలెనే
అద్దలించి పెనఁగేటి యాఁటదాననా
ఉద్దండాలు నీతోఁ జేసి పూరకే వెనకు వచ్చి
తిద్దుకొని మాట లాడేదేవులనా నేను
చ. 3: గారవాన నిన్నుఁ గూడి కాఁగిటి నీచేఁత లెల్ల
ఆరయ జెప్పుకొనేటి యాఁటదాననా
నేరుతువు శ్రీవెంకటనిలయ నీయాల నైతి
సారెకు సారె మాటాడేసకియనా నేనూ
