ఈ పుట అచ్చుదిద్దబడ్డది
రేకు: 0381-3 సామంతం సంపుటం: 11-483
పల్లవి: అందాఁకాఁ గాఁగిన నిన్ను నన రాదు గా
పొందిక లైన మీఁద బుద్ది చెప్పేఁ గాని
చ. 1: వేడుక నీ రమణుఁడు విచ్చేసుదాఁకా నీ
వాడిన ట్టెల్లా మాకు నాడ వలెఁ గా
యీడుగా సమరితి మి మ్మిద్దరిఁ గూడఁగఁ జేసి
జోడుగా నీతిట్లకు సూడు వట్టెఁ గాని
చ. 2: పక్కన మీలోన మొకబంగారు వాసినదాఁకా
వెక్కసపు నీసణఁగు వినవలెగా
చిక్కు వడ్డ మీలోని చిత్తము లేకము సేసి
దక్కిన నీచేఁత లెల్లాఁ దగఁ దిప్పేఁ గాని
చ. 3: యీకడ నాతఁడు నిన్ను యిట్టె మన్నించినదాఁకా
నాకు నాకే నిన్నుఁ జూచి నవ్వవలెఁ గా
చేకొని యింతలోనె యాశ్రీవెంకటేశుఁడు గూడె
సాకిరి దెలిపి మీద సమ్మతించేఁ గాని