ఈ పుట అచ్చుదిద్దబడ్డది
రేకు: 0381-2 కాంబోది సంపుటం: 11-482
పల్లవి: ఉన్న వల్లా నటుండనీ వొద్ద నిలుచుండనీ
కన్నులకు నిధానము గలిగెఁ గా నీకు
చ. 1: యేపొద్దు నాపె నీవు యెదఁ గట్టుకొ నుండఁగ
తీపుల నీపాలిటి దేవ రాయఁగా
యీపాటి వారి వీరి నెలయించి యీసు రేఁచ
కాపాడి చెప్పి చూపఁ గలిగెఁ గా నీకు
చ. 2: చేతికి లో నై యాపె చెప్పినట్టె సేసేవు
యీతల నిన్ను వంచుకో నేలి కాయఁగా
రీతిగా సింగారించి రేయిఁ బగలుఁ దాలార్చ
ఘాతల సింగారబొమ్మ గలిగెఁ గా నీకూ
చ. 3: చీ మంత మా టైన చెవిలో నీకు బోదించు
కోమలి నీ కిన్నాళ్లను గురు తాయఁగా
యీ మేర శ్రీవెంకటేశ యిద్దరి మమ్ముఁ గూడితి
కామించి మేకులు సేయఁ గలిగెఁ గా నీకు
