ఈ పుట అచ్చుదిద్దబడ్డది
రేకు: 0381-1 ఆహిరి సంపుటం: 11-481
పల్లవి: చే పట్టి పిలువరమ్మ చెలులారా
వే వేగఁ దా రాకున్న వేసరరా లోకులు
చ. 1: వెదకి కాకన నే విరహన నుండఁ గాను
పొదిగి తానే వచ్చుట పుణ్యము గాదా
మదిలో నేఁ దలఁచగ మరఁగున దా నుంటే
వదలక దయ లేనివాఁ డనరా లోకులు
చ. 2: తలఁచి తనకుఁ గాను తమకాన నుండఁ గాను
మలసి తాఁ బైకొంటే మంచిది గాదా
వలచినవారి నింత వలలఁ బెట్టఁగఁ బోతే
అలరి యెం తపకీర్తి యనరా లోకులు
చ. 3: తన పేరు నాలికపైఁ దడవుచు నుండఁ గాను
తనియఁ బొందుట జాణతనము గాదా
యెననె శ్రీవెంకటేశుఁ డిదివో నన్ను రతుల
పొనిగి యానోళ్లనే పొగడరా లోకులూ