ఈ పుట అచ్చుదిద్దబడ్డది
రేకు: 0380-6 సౌరాష్ట్రం సంపుటం: 11-480
పల్లవి: నీమనసులోనిమాట నే నెరఁగనా
కామించి నీవే నాకుఁ గల వని వుందునూ
చ. 1: నాకే వలతు వంటా నాపై బత్తి గల వంటా
ఆక డీకడివారితో నాడుకొందును
యీకడ నన్ను మన్నించి యింటి కిట్టె వచ్చే వంటా
తూకొని నీరాకల కెదురు చూతును
చ. 2: నమ్మఁగలవాఁడ వంటా నామాట గడవ వంటా
కమ్మిని నిన్నే పొద్దునుఁ బొగడుచుందునూ
రమ్మని నిన్నుఁ బిలిచి రతుల మెప్పించే నంటా
నెమ్మది నుపాయములు నేరుచుకుండుదును
చ. 3: యిద్దరము నొక్క టంటా నెగ్గు దప్పు లెంచ వంటా
పెద్దరికమున సరి పెనఁగుదును
అద్దివో శ్రీవెంకటేశ అట్టె కా నన్నుఁ గూడితి
పొద్దు వొద్దు నీకు నిట్టె బోదింతునూ