ఈ పుట అచ్చుదిద్దబడ్డది
రేకు: 0380-5 దేసాక్షి సంపుటం: 11-479
పల్లవి: మామాట లేల వినేవే మగువ నీవు
వోమి యాతనికే మొక మోడేవు గాని
చ. 1: పంతాన రా నని చలపట్టుకొని వుండఁ గాను
యెంతదడ వైనఁ బోర నేలే మాకు
చెంతల నాతఁడే వచ్చి చేయి వట్టి తియ్యఁ గాను
వంతకు నేఁడు నీ విట్టే వచ్చేవు గాని
చ. 2: మాట లాడ నని నీవు మౌనముతో నుండఁ గాను
యేఁటికిఁ బెనఁగితియే యిందాఁకా నేము
పాటించి యాతఁడే వచ్చి పక్కన నవ్వితేను
గాఁటపుమచ్చట లాడి కరఁగేవు గాని
చ. 3: మంచముపైఁ బవ్వళించి మంతనాన నుండఁ గాను
పొంచి నిన్ను లేప నేలే పొదిగి నేఁడు
అంచెల శ్రీవెంకటేశుఁడదె వచ్చి నిన్నుఁ గూడె
యెంచి యాతనికే చన విత్తువు గాని