ఈ పుట అచ్చుదిద్దబడ్డది
రేకు: 0379-6 శంకరాభరణం సంపుటం: 11-474
పల్లవి: నీకు నిచ్చకమే నెరపుదుఁ గా కిటు
కాకు సేసి నినుఁ గదిమేనా
చ. 1: యెమ్మెకు నాతో నెంత నవ్వినా
కిమ్ముల నాతోఁ గిని సేనా
నిమ్మపంటఁ గొని నీవెంత వేసిన
ముమ్మాటికి నే ములిగేనా
చ. 2: తొడిఁబడ నీవే తురుము వట్టితే
బెడిదంబుగ నేఁ బెనఁగేనా
అడరి నీవు రమ్మని ననుఁ బిలువఁగ
వోడకఁ బండ నని వొదిగేనా
చ. 3: పైకొని నీవే పాదము చాఁచగ
చేకొని పిసుకక సెలసేనా
యీకడ శ్రీవెంకటేశ్వర కూడితివి
యేకడ కేఁగఁగ నిచ్చేనా
