ఈ పుట అచ్చుదిద్దబడ్డది
రేకు: 0379-5 శ్రీరాగం సంపుటం: 11-473
పల్లవి: నాకొర కంటినా నీ నాటకాన కంటిఁ గాక
యీకడ నాకు మొక్కే వేఁటి కింతే సానలు
చ. 1: చిత్తజకేలికి నీవు చేర వైతి వంటినా
హత్తి నీ వెందో వుంటి వంటిఁ గాకా
పొత్తుకు రావలసి నేఁ బోరి యింతే సంటినా
అత్తలివారిపొత్తు లరసితిఁ గాకా
చ. 2: వుంగరము నాకు నీవు వుంకువ యిమ్మంటినా
అంగడి నెవ్వతె యిచ్చె నంటిఁ గాకా
కంగి నాతో నీ విట్టె వల్ల లాడే వంటినా
అంగనతో నే మని యంటి వంటిఁ గాకా
చ. 3: నావద్దనె వుండు మని నమ్మక నే నంటినా
ఆవలివారు నిం దాడే రంటిఁ గాకా
శ్రీవెంకటేశుఁడ నన్ను చేకొని కూడితి విట్టె
భావరితి నాపెనుఁ జెప్పకు మంటిఁ గాకా