ఈ పుట అచ్చుదిద్దబడ్డది
రేకు: 0379-4 మాళవిగౌళ సంపుటం: 11-472
పల్లవి: ఊరకె ని న్నింత సేసి వుప్పటించేనా
తేరె నన్నిపనులు నిందె మొక్కే రావయ్యా
చ. 1: కప్పురవిడెము నీవు కాంతచేత నుందుకోఁగా
దెప్పరపుకోపమునఁ దిట్టితిఁ గాక
నెప్పున నాపెసొమ్ములు నీమేన నుండఁ గాను
అప్పుడె నాతో నేను అలిగితిఁ గాకా
చ. 2: ముసిముసి నవ్వులతో ముదితమోము చూడఁగా
వెసఁ బూవుబంతిఁ గొని వేసితిఁ గాకా
వసమై యాపె నీతో వట్టిసన్నలు సేయఁగ
యిసు మంత నిన్ను నేర మెంచితిఁ గాకా
చ. 3: గట్టిగా నీ వాసతి కాఁగిట నుండఁగాఁ జూచి
చిట్టకానకుఁ బాదానఁ జిమ్మితిఁ గాకా
నెట్టన శ్రీవెంకటేశ నీవే నన్నుఁ గూడితివి
గుట్టున నన్నిటా నిన్నే కొసరితిఁ గాకా