ఈ పుట అచ్చుదిద్దబడ్డది
రేకు: 0379-3 సాళంగం సంపుటం: 11-471
పల్లవి: అంతటఁ గాని తీర దతివమతి కోపము
యెంత దలపోసినా యిదివో నాయకుఁడా
చ. 1: యిప్పుడైనా నామాట కియ్యకొంటేఁ జాలుఁ గాక
తప్పి పోయినా వలపు తతి మీరీనా
చెప్పనా నీ కప్పుడే సేసిననేరాన కెల్ల
ముప్పిరి నాపె నీపెకు మొక్కించు మని
చ. 2: వెనకటి నీచలము విడిచితేఁ జాలుఁ గాక
అనువుగఁ జేయ లేమా అన్నిపనులు
విన వైతి వింతే కాక వేగమే యెచ్చరించనా
చెనకిన ఆపె నీపెచేతి కిమ్మని
చ. 3: ప్రేమానఁ దగవు నడుపే నంటేఁ జాలుఁ గాక
యీమగువమారుగ నే నియ్యకొననా
కామించి శ్రీవెంకటేశ కలసితి వౌ నననా
సామాన నాపె నీపెను సరిగాఁ జేయు మని