ఈ పుట అచ్చుదిద్దబడ్డది
రేకు: 0379-2 శుద్దవసంతం సంపుటం: 11-470
పల్లవి: అప్పటి నేనే కోపి నందురు మీరు
చెప్పరాని ఆతనిచేఁత లివి చూడరే
చ. 1: నవ్వుతానె మంచితనము నెరుపుత గాక
యెవ్వరిమనసు లెట్టో యెరుఁగుదునా
పువ్వుల నే వేయఁగాను పూఁచి నిమ్మపంట వేసీ
దవ్వుల నుండి యాతని తగవులు చూడరే
చ. 2: మొగము చూచి తనకు మొక్కఁ గలదానఁ గాక
యెగసక్కెము లవుట యెరుఁగుదునా
తగు వెన్నెలలోనికె తన్ను నేఁ బిలువఁ గాను
సగము చీఁకటిలోనె సన్న సేసెఁ జూడరే
చ. 3: చెంది యిట్టె తనసేవ సేయఁ గలదానఁ గాక
యిందుకె నన్ను మెచ్చుట యెరుఁగుదునా
అందపు శ్రీవెంకటేశుఁ డన్నిటా నన్నుఁ గలసె
కందువలు గరఁగించి కడు మీరిఁ జూడరే