ఈ పుట అచ్చుదిద్దబడ్డది
రేకు: 0379-1 రామక్రియ సంపుటం: 11-469
పల్లవి: ఎఱకముడి విశ్వాశ మిఁక నేలా
నెఱి నిటమీఁదికీర్తి నీదే కాకా
చ. 1: నీవే నే నై యుండఁగాను నిన్ను దూరఁ జో టేది
కావలసినపనులు గనుటే కాకా
ఆవల మారుమాట లడుగఁగఁ జో టేది
వేవేలు సుద్దులెల్ల వినుటే కాకా
చ. 2: మనసు లొక్క టైయుండి మచ్చరించఁజో టేది
ననుపున నెందు కైన నగుట గాక
చనవులు గలిగియు సాదించఁ జో టేది
వొనరినసంతసాన నుండుటే కాకా
చ. 3: నిండుఁ గాఁగిటనే వుండి నీతోఁ గొంకఁ జో టేది
అండనే మనము వెర గందుట గాకా
కొండల శ్రీవెంకటేశ కూడితిని నన్ను నిట్టె
మెండుగా నిన్నిటా నేను మెచ్చు టింతే కాకా
