ఈ పుట అచ్చుదిద్దబడ్డది
రేకు: 0378-6 రామక్రియ సంపుటం: 11-468
పల్లవి: ఎంత బలువె తన కెంత నేము సదరమా
అంతే పో తనసుద్దు లవి నే మెరఁగమా
చ. 1: రమ్మని చేరఁ బిలిచీ రా కున్నఁ దనచేతి
నిమ్మపంటఁ గొని వేసీనే నన్నును
కమ్మటిఁ దప్పక చూచీ కడు నేఁ దల వంచితే
అమ్మ మీఁదఁ దిట్టీనే అంతలోనె తానూ
చ. 2: చేయి చాఁచీ నామీఁద సిగ్గున నూర కుండితే
చాయలకుఁ బన్నీరు చల్లీనె వీఁడూ
ఆయములు దా నంటఁగ నందుకు నేఁబెనఁగితే
బాయిట వొట్టు వెట్టీనే పాయ లేక తానూ
చ. 3: కొంగు వట్టి తియ్యఁగాను గుట్టున నే నవ్వితేను
అంగవించి యట్టె కూడె నందుకే తానూ
యింగితము శ్రీవెంకటేశుఁ డితఁడే యెఱంగు
చెంగట నన్నిటికిని చెక్కు నొక్కీఁ దానూ
