ఈ పుట అచ్చుదిద్దబడ్డది
రేకు: 0378-3 ఆహిరి సంపుటం: 11-465
పల్లవి: ఎవ్వరికిఁ దెలుసు నీ యిట్టి మాయలు
రవ్వలుగాఁ జూడఁ బోతే రంటికిని వత్తువూ
చ. 1: నగవులు సారె నీకు నవ్వ వచ్చుఁ గాక మాకు
పగ సవతులచేతఁ బడ వచ్చునా
పగలుమేలము చాలు పద వోయి నీ కేమి
తగులువిరికాఁడవు దక్కినట్టే వుందువూ
చ. 2: చేఁత లెల్లఁ జేసి నీకుఁ జెక్కు నొక్క వచ్చుఁగాక
బాఁతిపడి విరహనఁ బడఁ గలమా
లేఁతమాట లాడ వద్దు లేవోయి వలపులు
పాఁతగిలితేఁ జాలు పనులే మరతువూ
చ. 3: గతి గూడి నీకు మమ్ముఁ గాఁగిలించ వచ్చుఁ గాక
అతివలయు నిన్ను రమ్మన నోపేమా
సతమై శ్రీవెంకటేశ చన విచ్చి కూడితివి
యిత వయినచోటికి నీ వెట్టయినఁ జేతువూ
