ఈ పుట అచ్చుదిద్దబడ్డది
రేకు: 0378-2 రీతిగౌళ సంపుటం: 11-464
పల్లవి: నిజమే యాడుచు గాక నీ కేల యీవెరపు
గజిబిజి నేసి నిన్ను గాసిఁ బెట్టేనా
చ. 1: మాఁట లాడుటే గురుతు మంచముపై నాపె నీవు
నాటినకూరిమి మించునవ్వులతోడ
యేఁటికి నాతో బొంకే వేసుద్ది నెరఁగ నంటా
ఆఁటదాన నిన్ను నే నే మైనాఁ జేసేనా
చ. 2: చేయి వట్టుటే గురుతు సిగ్గుపడి యున్నచెలి
చాయకుఁ దీసీ నది పూఁజప్పరములో
మాయ లేల నెరపేవు మగువ నింతే నేను
దాయవలె నీతోడఁ దగఁ బోరేనా
చ. 3: చెక్కు నొక్కుటే గురుతు చెలి నీవు మేడమీఁద
నెక్కడి యానలు నాతో నేల పెట్టేవు
యిక్కడ శ్రీవెంకటేశ యేలితివి నన్ను నేఁడు
పక్కన లే కున్న నిన్ను బలిమి సేసేనా
