ఈ పుట అచ్చుదిద్దబడ్డది
రేకు: 0378-1 దేసాళం సంపుటం: 11-463
పల్లవి: అన్ని సుద్దులు నెరుఁగు నాతఁడె కాక
యెన్నికలు పలుమారు యే మెంచేనే నేను
చ. 1: నివ్వెరగు వడి యుండి నే నే మనే నిన్ను
నవ్వలిమాటలు నన్ను నడుగ నేలా
దవ్వులఁ దనచేఁతుల తలపోయుచున్నదాన
యెవ్వరిమాటల కని యే మందు నేను
చ. 2: చెక్కుచేత నే నుండి నేనే దేమే నిన్ను
తక్కక నన్నేల మీరు తడవేరే
మొక్కలోన నాతనిమోము చూచె నిదే నేను
యెక్కువ తక్కువలకు నెంతదాన నేనూ
చ. 3: కలకల నవ్వుతాను కా దనే దేమే నిన్ను
చలపట్టి వల పేల చల్లు మనేరే
యెలమి శ్రీవెంకటేశుఁ డింతలోనె నన్నుఁ గూడె
యిల నాకు నెదు రేదే యిర వయితి నేనూ
