ఈ పుట అచ్చుదిద్దబడ్డది
రేకు: 0377-6 రామక్రియ సంపుటం: 11-462
పల్లవి: అడుగరే చెలులాల ఆతనినే యీమాఁట
తడవి నే మెవ్వ రైన తన్ను మీరేమా
చ. 1: చదురంగ మాడి యాడి సరిఁ దానె వోడె నింతే
వొదిగి తనకు నసు రుసురేలే
మొదల నేఁ డెవ్వతెకు మొగము చూపి వచ్చెనో
యెదుట నున్నరా రెల్ల నేమి సేతురే
చ. 2: వసంతము లాడ వచ్చి వడిఁ దానె తొప్పఁ దోఁగె
వసివాడి తానె తల వంచ నేలే
దెసల నెవ్వతెచేతి తిట్టు దాఁకి తా వచ్చెనో
యెసఁగి నవ్వేవా రెల్ల నేమి సేతురే
చ. 3: సరస మాడె తనకు సరి నింద మోఁచె నింతే
దరలోన సిగ్గుపడ దన కేలె
యిర వైన శ్రీవెంకటేశుడె తా నన్నుఁ గూడె
యెరవులవా రెల్ల నేమి సేతరే
