ఈ పుట అచ్చుదిద్దబడ్డది
రేకు: 0377-5 సామంతం సంపుటం: 11-461
పల్లవి: వాఁడి గలవాఁడ వౌత వడి నే మెఱుఁగుదుము
వేఁడిమి దుష్ణులమీఁద విసరంగ రాదా
చ. 1: వోప నంటాఁ బెనఁగితే నుడికి తిట్ట వచ్చేవు
ఆపనికే యెంత కెంత ఔరా నీవు
కోపము గలిగితేను గురిఁ బగవారిమీఁదఁ
జూప రాదా యీడ నేల చూపేవు నీవు
చ. 2: తనిసినవారిమీఁదఁ దగఁ జేతులు చాఁచేవు
యెన లేనికాఁకతోడ నేరానీవు
మొన చూప వలసితే ముంచి నీకు నెదిరించి
చెనకెటివారపైనే చేఁత సేయ రాదా
చ. 3: పొలసి నంతటిలోనె పొదిగి నన్నుఁ గూడితి
మెలుపు శ్రీవెంకటేశ మేలురా నీవు
బలిమి నీకుఁ గలితే పౌఁజులమీఁద నురికి
వలసినట్టు మెరయ వద్దనేనా నేను